Аб беларуска-кыргызскіх кансультацыях паміж МЗС
29.11.2024 г.29 лістапада 2024 г. у г.Бішкеку адбыўся чарговы раунд Беларуска-Кыргызскіх кансультацый паміж міністэрствамі замежных спраў з удзелам намесніка Міністра замежных спраў Рэспублікі Беларусь Ігара Назарука і Першага намесніка Міністра замежных спраў Кыргызскай Рэспублікі Асеіна Ісаева. Бакі разгледзелі шырокі спектр актуальных пытанняў двухбаковых адносін з акцэнтам на ўзаемадзеянне у інтэграцыйных арганізацыях (ЕАЭС, АДКБ) і на міжнародных пляцоўках (ААН, АБСЕ і інш.).
У ходзе кансультацый кіраўнікамі беларускай і кыргызстанскай дэлегацый адзначана задавальненне станам міждзяржаўных адносін у двухбаковым і шматбаковым фарматах, а таксама пацверджаны ўзаемны намер садзейнічаць іх развіццю па лініі МЗС дзвюх краін. Па выніках мерапрыемства падпісаны план далейшага ўзаемадзеяння на 2025 – 2026 гады.
Напярэдадні мерапрыемства адбылася сустрэча Ігара Назарука з Міністрам замежных спраў Кыргызскай Рэспублікі Жээнбекам Кулубаевым. Бакі абмеркавалі перспектывы развіцця беларуска-кыргызскіх адносін як у двухбаковым фармаце, так і ў рэгіянальных і ўніверсальных міжнародных арганізацыях.
